قال السن تضحك للسن !!

نحكي ليكم قصة لحسن !!

قال السن تضحك للسن !!

لي خدام فالقريعة !!

قال السن تضحك للسن !!

والقلب فيه خديعة !!

العين عجباتها سوسن !!

والقلب بغا بديعة !!

بديعة تتهلا فييا وفواليديا تحن !!

تصلح ندير معاها الولاد والزريعة !!

تشقا فالدار وتعجن !!

مسكينة إنسانة مطُيعة !!

شادة دينها تنوض تصلي من تسمعو يوذن !!

موالفة بحليب البڭر والسمن !!

تشبعني غي بغرير ومسمن !!

طيب ليَّا وتدهن !!

ولكن سوسن !!

عزيز عليها العفن !!

متعرف تشقا ولا تصبن !!

تعرف غي تغني وتلحن !!

نهار كامل وهي دندن !!

موالفا بقنوات الغنا والفن !!

موحال واش تتهلا فالحاجة والحاج !!

الواليدة مسكينة معاها غادي تتحن !!

السيدة تبان ليك زوينة بالماكياج !!

ولكن بلا بيه دايرة بحال شي جن !!

مخنتة والتقليقة عندها شن طن !!

بحالها باشي دري صغير مختن !!

تتمسكن حتى تتمكن !!

ومن بعد تبان ليك بدات تتفرعن !!

نسيت الحانوت ونسيت الكليان !!

وفكرت مع راسي مزيان !!

وقلت اللهم بديعة ولا سوسن !!

====================================

.. الله يعطيكم الخير ...!

ولا تنسو الردود فالكلمة الطيبة صدقة...!

هل أعجبك الموضوع ؟

بقلم Youness Ajermoune

يونس اجرمون24 سنة مدونة مغربي يعشق التصميم و المونتاج و أريد أن أشارك معكم كل ما أعرفه عن الفوتوشوب و الإلستراتور و الفيكاس و أيضا في عالم العرف و لا تبخلوا علينا أنتم أيضا بمتابعاتكم و تعاليقكم و شكرا

مواضيع مشابهة :

و الله سأضع تعليقا هههه أنت حلف بالله